एकिकृत कृषि तथा पशुपन्छी विकास कार्यालय, रुकुम पूर्वको अर्गानिक खेती सम्बन्धी जनहितमा जारी सन्देश

      "अर्गानिक वस्तु  उत्पादन मा लगानी, प्राङ्गारिक जिल्लाको दिऔं चिनारी"

विषादी विष नै हो औषधि होइन । विषादीको अवैज्ञानिक र असुरक्षित प्रयोगको कारण वातावरण, माटोमा भएका लाभदायक किटाणुको नाशका साथै मानव स्वास्थ्यमा गम्भीर दूरगामी असर पार्ने हुन्छ ।त्येसैले वानस्पतिक तथा जैविक विषादीको मात्र प्रयोग गरौं। विषादी प्रयोगको कारण क्यान्सर, हर्मोनको विकास र विस्तारमा असन्तुलन, प्रजनन शक्तिमा ह्रास, मस्तिष्कमा क्षति, aश्वासप्रश्वास प्रणाली, मिर्गौला र छाला सम्बन्धी रोगहरु लाग्ने अध्ययन अनुसन्धानले पुष्टि गरेको छ ।यद्यपी रासायनिक विषादीको प्रयोगलाई क्रमशः यथाशक्य विस्थापनको विकल्प प्राङ्गारिक खेती र जैविक तथा वानस्पतिक विषादीको प्रयोग नै हो । वानस्पतिक विषादीको रुपमा नीम, बाबरी, तीतेपाती, कपूर, टिम्बूर, बकाइनो, खिर्रो, केत्तुकी, असूरो आदि जडीबुटी लगायत गाईभैंसीको गहुँत तथा खरानी समेतको प्रयोग गरी बालीनाली, बीउ र माटोको उर्वर शक्ती जोगाउने काम गरौं ।

एकिकृत कृषि तथा पशुपन्छी विकास कार्यालय,

रुकुमकोट, रुकुम पूर्व।